Malsawmna (Benediction) hian trinity a prove lo

 Malsawmna (Benediction) hian trinity a finfiah lo


Thuthlungthar Lehkhathawn ho  ah hian a thu bul tanna leh a tawpna thu te hi  "Malsawmna" tih a ni a,  Trinity sawifah nan leh tanchhan nana lo hman  ve phet tum hi a remlo tih  hriat a tha hle ang. Trinity ah chuan Pa hi  First person (minung  pakhatna) a ni a, Fapa chu Second person (minung  pahnihna), Thlarau chu  Third Person (Minung pathumna) tih a ni. Mahse i  han en chiang dawn teh  ang aw!


 IIKor 13:14 ah chuan Isua Krista chu  pakhatnaah a dah nghal pang  a, a inpersan nghal khawp mai. Trinity  rindan ang tur a, "Lal Isuan min  hmangaiha, Pathianin min khawngaih a,  Thlarau Thianghlimin min pawl"  tih ang chi zawnga chhut chu thil  nuihzatthlak tak a ni. A chhan chu  hetiang a nih chuan Isua leh Thlarau  Thianghlim chu Pathian ti a koh chi  an ni lovang.


Tirhkoh Paula hian Malsawmna in a lehkha bul atana,  Malsawmna vekin  akhar thin. Heihian Kohhran te leh ringtute a duhsakna  leh a hmangaih  zia a tilang nghal bawk. I Kor ah chuan "Krista Isuaa ka  hmangaihna hi  in za a hnenah awm rawh se" tiin a ziak daih a,Galatia ah  chuan "Lalpa  Isua Krista khawngaihna chu in thlarau hnenah awm rawh se" a  ti leh a,  Philipi ah chuan "Pathian kan Pa leh Lalpa Isua Krista hnen  ata  khawngaihna leh remna in hnenah awm rawh se" a ti a, Kolossa ah  chuan  "Pathian kan Pa hnen ata khawngaihna leh remna in hnenah awm rawh  se"  tih a ni a, Timothea hnena lehkhathawnah chuan "Pathian kan Pa leh,   Krista Isua kan Lalpa hnena ata, khawngaihna te, zahngaihna te, remna te   lo awm rawh se" a ti leh a, Tita ah chuan "Pa, Pathian leh Krista Isua   min Chhandamtu hnen ata khawngaihna leh remna awm rawh se" a ti a,   Philemona ziakah chuan "Pathian, kan Pa leh Lalpa Isua Krista hnen ata   khawngaihna leh remna in hnenah awm rawh se" a ti bawk a, chutiang zel   chuan heng Malsawmna tawngkam te hi hman a ni. Uluk taka kan bih a, kan   zir chuan Paula thiltum leh duhber chu "Khawngaihna leh Remna",  ringtute  hnena thleng zel tura duhsakna a ni. A thiltum leh a sawi  chhan lam en  lova, a nilo lama insawrbing phet kan tum chuan thi dik  leh tha a ni  hauhlo.


Lal Isua'n nihna leh hlimthla hrang hrang a nei a,  chung hrang2 ah  chuan Isua aia a hlimthla kan buaipui chhung chuan ram  ropui kan thleng  ngai lovang. Johana 1:51 ah chuan "Leihlawn" tih a ni  a, Isuan  leihlawn a intehkhin chhan lam en lova, leihlawn lo buaipui vak  mai  chuan kan tial a thawl deuh a ni maithei. I Kor 10:4 ah chuan  "Lungpui"  a ni tih a ni leh a, Isua in hlimthla/entirna a nih avanga  Lung lian  pui2 lakkhawm lam a ni lo, engvangin nge he entirna/hlimthla  hi hman a  nih tih lam kha a pawimawh ber a ni fo. Lungpui ai chuan a  sawi chhan  Nghing ve ngailo, nghet reng, chatuana awm reng tur leh  rinchhan tlak a  nihna lam kha a pawimawh zawk. A chang chuan Berampu tih  te, Chhumding  tih te, Darrul tih te, Manna tih te, Varparh Arsi eng tak  tih te,  Sakeibaknei tih te, Puithiam Lalber tihte a ni nawk mai.


Chutiang chiah chuan he "Malsawmna" thu leh tawngkam pawh hi a ni.   Bible tawngkam hmanga uar takin, ringtute zingah "Khawngaihna leh Remna"   awm tura duhsakna leh beiseina hi a pawimawh ber leh a tum ber a ni e.

Comments

Post a Comment

Popular posts from this blog

SIMNA

SIMNA “II Korinth 7:10– Pathian duhzawng lungngaihna chuan chhandamna tura simna a thlen a, chu chu inchhirawm loh tak a ni” A awmze bulpui: Simna han tih hian awmze tam tak a nei thei awm e. Simna sawi nana an hman thin te zingah metanoia (met-an’-oy-ah) – Simna hian a sawi tum chu ngaihthat lohna, inchhirna leh pawitihna atanga ngaihtuahna thar nei a, awmdan hlui kalsantih leh metanoeo (met-an-o-eh'-o) – Sim tih hi kan bible a hman lar ber te an ni. Simna tih hian, kan tih thin tih tawh loh satliah ringawt hi a kawk lova. Kan lo tih tawh thin kha a thatloh zia hrechhuak a, kan lo tih tawh avanga inchhirna nen, chu sualna rahchhuah lo thleng turte avanga lungngaihna nen, ti tawhlo tura Pathian lama thinlung lungchhia nena hawikirna hi a awmze bulpui ber a ni (Tirhkohte 26:18). Chuvangin, simna tih chu sual nih inhriatna, pawi ti taka sual avanga lungngaihna nena tih tawh loh hi a ni. A pawimawhna: He simna hi Pathian thu chuan a  ngaipawimawh em em a.Thuthlung H...
Read more

ISRAELTE HUNBI CHHIAR DAN

ISRAELTE HUNBI CHHIAR DAN Israelte hian kum khat chhunga ni leh thal inher danglam dan behchhanin hun bi chhunchhiahna an siam a. Thla thar atanga thla thar leh thleng hi thlakhatah an ngai a ni. Kumkhat hi thla sawm leh pahnihah an then a. Amaherawhchu kumkhat chhunga ni awm zat, ni inher dan atanga an chhut chhuah aiin thla fang lan dan atanga kum khat chhunga ni awm zat an chhut chhuah chu ni 11 velin a tlem zawk a ni. Sik leh sa thuah te, thlai chin hun te, thlai rah seng hun te leh an kut hun te nen a inrem theihna tur leh a hun dik takah an kut nite chu an lawm theih nan kum hih danah emaw kum thum danah emaw an belh thin a. Ni inher danglam dan atanga kum khat chhunga ni awm zat nena inrem turin thla khata ni awm zat vel ang hi an belh thin a ni. Dan naranin an thla chhiar dana thla sawm leh pahnihna Adar thlaah an belhna chu an tel tir thin a. Chuvangin a chang chuan kum khata thla sawm leh pathum nei ang an ni thin. Tun hma chuan Israelte hian an hun chhiat an a thla sari...
Read more

Hla thiltihtheihna

Hla chu enge?   Hla chu mihring rilru chhungril ber puanchhuahna, mihring rilru puthmang pholang a, khawvel thil a thlirdan leh Pathian rinna a a dinhmun tarlanna, mihringin a nun biru lai ber thlenga  a phawrhna hmanraw neih ropui ber a ni ti hialin kan sawi thei awm e. Hla chuan leilung leh a chhunga thilawmte mai nilovin, khawvel piahlam ram, thlarau khawvel thlengin a thlunzawm a. Thilsiam zawng zawngte dinhmun lailang a, khawvel nihphung zawng zawngte puangchhuaktu anih bakah, Siamtu Pathian rilru leh ngaihdan nia rinte thlenga tarlangtu  a ni.             Tunlai khawvelah hian hla chi hrang hrang a tam ta hle a,sap zaithiam hovin Pathian fakna hlate baka hla chi hrang hrang an neihte Rock music, Heavy Metal Music, Pop Music, Rap Music, Disco Music, Jazz Music, Blues Music, Classical Music te bakah, Rock Music chhungah ringawt pawh hian chi hrang hrang Heavy Rock, Soft Rock, Alternative Rock, Industrial Roc...
Read more