DOCTRINE

DOCTRINE

Tunlaiah II Tim 4:3 a a sawi ang mai hian Doctrine mausam na, chhandamna tur atana tangkailo leh pawimawh lo, tute emaw phuahchawp angah ngai a, sawihnawm ching an tam ta hle mai a. He pluralism thlipui tleh hian kan thalaite, kan upa, nu leh pa leh rawngbawltu thleng maiin min nuai a, khawiah pawh awm ila, khawi pawl atang pawhin vanram kaina a awm tih pawm ve duh mai te pawh kan tam ta hle mai...!

Chuvangin DOCTRINE hi a lo pawimawh reng em? Eng tiang taka hman tur nge? Eng hi nge DOCTRINE dik chu? tih te hi tawite in i han en teh ang

* Doctrine tih hi bible (KJV) ah vawi 58 vel a inziak a, chungah chuan vawi 50 vel hi NT ah hman a ni

* Mizo bible ah hian ZIRTIRNA tiin min lehlin sak a, chumi awmzia chu “inkaihhruaina atan a pawm, chhandamna tura thunei tham khawpa kan rin, thudik a kan pawm” ti mai ila a fiah mai ang

* Doctrine diklo pawm a, inzirtir chu vanram kai lohna a ni - tiin Isuan a sawi (Mat 15:8,9)

* Doctrine dik pawm chu a zirtirtu leh a zirtirte, a pawm tute tan chhandamna tling a ni (I Tim 4:16)

* Doctrine atan chuan mihring thupek leh kaihhruaina pawm hauhloh tur a nia (Mat 15:8,9). Pathian thu chauh hi DOCTRINE atan a tangkai a, a hmantlak a ni (II Tim 3:16)

Khawi emaw lai khawmpui leh meeting a lo pass ve em em chi ngawt a nilo

* Mi tupawhin thu sawi se DOCTRINE diktak mil chauh in thu a sawi tur a ni (Tia 2:1)

* Kohhran upa tur pawhin DOCTRINE diktak pawm tlat tu, Doctrine diklo a piang paihthla tura hnial peih mi, Doctrine diktak a chiang mi a ni tur a ni (Tita 1:9)

* Doctrine chu chutiang taka ngaihpawimawh a nih avang chuan Doctrine diklo pawmtu leh keng tu chu eng ang rawngbawltu pawh rawn kal se, lo lawm hauh loh tur, Inah pawh thlen tir loh tur, tawngkam tha pawha thlah loh tur tiin Johana chuan min zirtir (II John 10,11)

* Doctrine chu Lal Isua thu ah a innghat tur a ni (I Tim 6:3, II John 9) A chhan chu Isua Doctrine hi miin a pawm loh chuan Pathian a nei thei lova, dawthei nihna a ni

* Isua pawhin Doctrine a nei a (Heb 6:1-3), chu chu kan innghahna tur a ni a, chu Isua Doctrine chu a thuchah ah a tilang (Tita 1:1-3)

* Lal Isua thuchah chu CHANCHINTHA HRIL A, chu mi lo RINGTUTE BAPTISMA CHANTIR na thu hi a ni a, chu chu a thuchah a ni (Marka 16:15,16; Luka 24:44-47; Mat 28:17-19)

Heng atanga kan hriat tak chu Isua pawhin DOCTRINE hi a ngaipawimawh a, Doctrine diktak chauh pawm a, zirtir turin BIBLE pawhin min zirtir a ni

Mihring pawhin kan fate, kan nau te, kan ho te hnenah pawh thu kan pe a, kan thu kan duh thin. Kan faten kan thu an awih loh pawhin kut hial thlakin kan thunun thin a, kan fate kan hmangaih loh vang ni lovin, kan thu kan ngaipawimawh a, thu tih bik kan nei thin. Kan fate pawhin min hmangaih a nih chuan kan thu an awih ngei turah kan beisei bawk thin

Ch

utiang chiah chu Bible a Pathian kan hmuh hi a ni a, thu tih bik a nei thin a, Genesis atangin Pathian hian a thu a ngaipawimawh em em thin tih kan hmu nghal. Mahse, tunlai ringtute ngaihdanah chuan eng Doctrine atang pawha vanram kai beisei kan ni ta sup mai hi a pawi em em a ni, chutiang pathian chu Bible Pathian a ni ve lo tih hriat tur. Pathian, thu bul bal neilo, thu mum hla mum pawh neilo ah kan chhuah mai mai tihna a ni, a zialo hle mai

Chuvangin, Doctrine hrang hrang vuan tu, khawi pawl atang pawha VANRAM kai theih anga zirtirna leh ngaihdan reng reng chu SETANA ZIRTIRNA leh BUMNA a ni tih hriat reng tur a ni e